Откако во 2014 година замина да си ја побара среќата во странство и да се усоврши во областа на „саунд инжинерингот“, за македонскиот композитор и продуцент Јован Јованов ретко може да се прочита нешто во домашните медиуми.
Иако никогаш не се откажа од музиката, туку напротив комплетно е посветен на музицирањето во своето студио во Канада, за Јованов и неговата работа може да се видат информации најчесто на социјалните мрежи каде е активен корисник.
ФОТО:ЈОВАН ЈОВАНОВ/ИНСТАГРАМ
Годинава со негова песна и на неговиот брат Иван, на неодамна одржаниот „Макфест“, се претстави младата пејачка Славица Ангелова која ја доби наградата за најдобар дебитант.
Кога пак е приватноста во прашање, Јованов веќе две години живее во Торонто со сопругата и ќерката, а во една прилика изјави дека тој и неговото семејство, особено малата Малеа, одлично се приспособила на тамошниот живот.
ФОТО:ЈОВАН ЈОВАНОВ/ФЕЈСБУК
Овој пат, по повод „Ноќта на вештерките“, Јован на својот Инстаграм ја покажа својата наследничка, која иако маскирана во костум на костур, изгледа преслатко.
Малеа има осум години и личи на мама, а дали ќе покаже инетерс кон музиката како тато и ќе го наследи, оставаме на времето…
