Манекенката на ОнлиФенс, која е членка на Менса со коефициент од 136, ги откри нејзините тешки критериуми за потенцијалните партнери, вклучително и тест за интелигенција на првиот состанок.
Кендис Клос (21) од Њујорк, за прв пат се најде на насловните страници минатата година, откако откри дека мажите сметаат дека нејзината интелигенција е „застрашувачка“.
А сега таа ги сподели своите екстремни методи за да го пронајде совршениот партнер, давајќи им писмен тест за интелигенција за да го направат на првиот состанок.
Кендис, која е членка на Менса од својата 17-та година и има 106.000 следбеници на Инстаграм, не сака да го „троши своето време“ со „идиоти“, кои не ја споделуваат нејзината страст за предмети како што се математика и економија.
Кендис е во првите 2 отсто од населението за интелигенција.
Според скалата на коефициентот на интелигенција, оценката од 120 до 140 се класифицира како „натпросечна интелигенција“, додека сè над 140 се смета за „генијално“.
Кендис откри дека ако потенцијалните партнери не го положат тестот „тие отпаѓаат“, дури и ако има хемијата помеѓу нив.
Таа рече: „Сакам да се уверам дека вреди да одам на втор состанок со нив. Има многу мажи кои се привлечни, но ако не се интелигентни, за мене не постојат. Како можете да уживате во времето со некого ако не можете да се поврзете преку разговор?“
Споделувајќи ги нејзините понатамошни очекувања од потенцијалните партнери, Кендис рече дека оние што ќе го поминат тестот за интелигенција ќе мора да бидат во тек со тековните настани и да бидат запознаени со математика, финансии и наука.
Таа рече: „Некои луѓе не се грижат да бидат во тек со актуелните настани што мене ми е непривлечно.“
„Привлечно е ако некој брзо ги сфати работите, како и емоционалната интелигенција и духовитоста. Економијата е мојата омилена тема, но многу е забавно да се слушне некој да зборува за нешто за што има искуство и ентузијазам. Додека растев, бев огромна бубалица и ја сакав науката и математиката.
Кендис за потенцијалните партнери рече: „Тие треба да бидат натпросечни. Не мора да бидете љубители на математиката , но треба да бидете способни да водите разговор и да бидете исклучително паметни барем во една тема. Ме привлекуваат интелигентни мажи кои имаат добра смисла за хумор и се авантуристички, директни и забавни“.
Манекенката, која се придружи на ОнлиФенс во 2020 година и неодамна беше на насловната страница на изданието на Плејбој во Јужна Африка, често е „потценета“ од мажите.
Мажите претпоставуваат дека е глупава поради нејзиниот добар изглед и манекенска кариера, но таа вели дека тоа не и пречи.
Наместо тоа, таа го користи тоа во своја полза и претходно рече: „На почетокот е подобро да те потценат – сакам да им докажувам на мажите дека грешат“.
