Млада жена загина во трагичната автобуска несреќа кај Венеција.
Според информациите со кои располага Индекс во моментов, се работи за 24-годишна жена која била бремена и според некои информации, во поодмината фаза од бременоста. Била на меден месец со сопругот. Тој е на интензивна нега во тешка состојба и се бори за живот.
Станува збор за брачен пар од Сплит. Како што неофицијално дознава Индекс, тие се венчале пред три недели.
Во автобусот имало двајца Хрвати. И италијанскиот „Кориере дела сера“ објави дека меѓу загинатите има и едно лице од Хрватска.
Меѓу 21 загинат има петмина украински државјани, Германец, Французин и Италијанец.
Несреќата се случила вчера околу 19:45 часот во градот Местре, на 9 километри од центарот на Венеција, кога автобусот со туристи удрил во заштитната ограда на надвозникот, а потоа се превртел и паднал од висина од нешто повеќе од 10 метри на покрив.
Во автобусот имало околу четириесет италијански и странски туристи кои штотуку ја посетиле Венеција и се враќале во нивниот камп.
Од сè уште неутврдена причина, возилото, кое се движело по мостот, удрило во заштитната ограда и излетало во бездната, удирајќи во близина на железничката линија меѓу Местре и Маргера, два града кои се дел од градот Венеција.
Бројот на загинати не се промени во текот на ноќта: 21 лице загина, а најмалку 15 се повредени, објави регионалниот претседател на Фејсбук. Меѓу загинатите има и новороденче.
„Главната хипотеза во моментов е дека возачот на автобусот се чувствувал лошо“, изјави Лука Заја.
Инспекторите се обидуваат да ги идентификуваат жртвите кои немале лични документи со себе во моментот на несреќата, особено со проверка на регистрите на кампот каде што престојувале.
Остатоците од автобусот се извадени во текот на ноќта, а утрово патот е повторно пуштен за сообраќај, јавува дописникот на АФП од местото на настанот.
Префектот на Венеција, кој ја отворил истрагата, најави прес-конференција заедно со пожарникарите, здравствените служби и полицијата.
Знамињата во регионот Венето се на половина копје, објави Индекс.
Видеото погледнете го со клик ОВДЕ.
