Марк Даглас, маркетинг директор на компанијата СтилХаус вели дека им дава пари на своите вработени за да одат на одмор, а тие му возвраќаат со поголема продуктивност.
Својата компанија ја основал во 2010 година, а почнувајќи од 2011 година тој почнал да им дава пари на вработените за да си овозможат пристоен одмор и релаксација.
Поточно, неговата компанија им нуди околу 1.700 евра годишно на своите вработени за да можат да отпатуваат во било која земја во светот.
Парите можат да ги потрошат на повеќе патувања или само на едно, а Марк дозволува тие да одлучат што ќе прават со нив.
Ако имате лав во кафез, кој е роден во засолниште, тогаш отворете го кафезот и пуштете го, а тој ќе се врати во кафезот. Тие не почнуваат да трчаат слободно. Кога за прв пат почнавме да им кажуваме на нашите луѓе дека имаат неограничен годишен одмор, не знаеја како да го сфатат тоа. Нашата култура е едноставна и се заснова на доверба и амбиции“, вели тој за Бизнис Инсајдер.
Довербата мора да биде двострана. Вработените кои купуваат авионски карти во понеделник, добиваат плата до вторник. Ако не можат да искористат кеш, тогаш компанијата им дава своја картичка за да го резервираат летот.
Кога ќе се вратат од патување, може да ги пријават трошоците и да добијат надомест од 2.000 долари.
Некои вработени не сакале да земат одмор
Некои вработени кажале дека не им е потребен одмор, а сакале парите за оваа намена да ги добијат како бонус, но Марк бил непоколеблив кога станува збор за трошење на овие пари.
Јас всушност сакам да одат некаде и да уживаат, вели тој.
Поради оваа пракса во последните три години, само пет од 250 вработени ја напуштиле неговата компанија.
Ова се најдобрите шефови: Вработените ги водат на егзотични патувања на сопствен трошок, а работата е целосно флексибилна
Мајк Бандер (29) и Џејмс Варди (31) се прогласени за “најдобри британски шефови” благодарение на бенефициите кои ги имаат нивните вработени.
Дигиталното стартап студио “Turn Partners“ во Бирмингем е компанија каде работат многу среќни и релаксирани вработени кои уживаат во шармот на својата работа на еден сосема поинаков начин.
Сопствениците на компанијата овозможуваат долготрајни годишни одмори, а своите вработени ги водат на заеднички патувања и спа третмани. На овие излети, вработените можат да ги поканат и своите партнери, членови на семејството и пријатели.
LADBible вели дека сопствениците на компанијата во февруари оваа година, деветмина свои вработени ги однеле на едномесечен одмор во Гоа и Мумбаи. Тие велат дека сакаат нивниот персонал целосно да ужива во животот и силно веруваат дека среќниот тим ги прави шефовите уште посреќни.
Од време на време, ние сакаме да ги наградиме членовите на нашиот тим со тоа што ќе им овозможиме барем еден месец да избегаат од студеното британско време, вели Мајк за LADBible.
Трошоците за патувањето ги покриваат лично партнерите на компанијата, а иако одморот трае еден месец, вработените можат да дојдат и да си одат кога и да посакаат.
Мајк појаснува дека секој вработен има неограничен буџет за годишниот одмор со комплетна слобода да избере каде и како ќе работи. Тој додава и дека секој има слобода да избере на кој проект сака да работи.
Одморот во февруари траел 28 дена, а целиот тим го посетил Бангкок, Чан Маил, Краби и Фи Фи, работејќи во фантастично тајландско окружување.
Една година претходно, тимот отпатувал во Мексико каде што можел да работи на песочните плажи на Плаја дел Кармен.
Се чини дека овој концепт навистина функционира бидејќи вработените се многу среќни. Лук Ланчастер (вработен во компанијата) вели дека не постои подобра мотивација од ова.
