Албино џиновската панда била снимена како шета низ една бамбусова шума во Кина, а таа е прва која некогаш е видена во дивината, истакнуваат научниците.
Фотографиите биле направени од инфрацрвена камера во април, во прашумите на кинескиот природен резерват Волонг во Сичуан. Ли Шенг, истражувач од универзитетот во Пекинг изјавил за “CNN” дека досега во дивината никогаш не била снимена потполно албино панда.
Експертите наведуваат дека животното не е постаро од две години.
You are looking at the first-ever photo of a WHITE giant panda in the world. This #panda was spotted by a surveillance camera at a natural reserve in SW China's Sichuan in April. Scientists believe the color change is a result of albino and the panda is in good health. pic.twitter.com/KWBr4Fl6TD
— People's Daily, China (@PDChina) May 25, 2019
“Пандата изгледаше силно, а нејзините чекори беа стабилни – знак дека генетската мутација можеби не целосно ѝ го отежнала животот”, изјавил Ли.
Засега не е познат полот на пандата, а научниците рекле дека ќе се потрудат да постават уште камери за да го следат нејзиниот развој и односот со другите панди. Животните со албинизам – кој е резултат на недостаток на меланин, често се под поголем ризик од предатори во дивината бидејќи полесно можат да се воочат и имаат послаб вид, пишува “National Geographic”.
Според Меѓународната унија за зачувување на природата, џиновската панда е загрозен вид, а во природата останале уште 1.864 единки.
