Времето во Македонија и денеска ќе биде сончево и топло, со температури до 22 степени. Такво време ќе имаме и утре, а веќе од вторник ќе има голема и драстична промена.
Од вторник ќе преовладува претежно облачно време со повремени врнежи од дожд и ќе дува умерен до засилен северен ветер, а дневната температура ќе биде пониска за 5 до 8 степени, па ќе изнесува од 7 до 18 степени.
Ќе има и снег на планините, а кон крајот на неделата ново разведрување.
И метеорологот Славчо Попоски од вторник предвиде промени проследени со северен ветер и пад на температурите за околу 10 степени.
Под влијание на значително постудена воздушна маса од север, во вторник и во среда ќе имаме позначителна облачност а ќе има и локални врнежи од дожд кој поради заладувањето на повисоките места и на планините истите ќе поминат во снег со што ќе дојде до формирање на потенка снежна покривка, сето ова ќе биде проследено и со умерен до засилен ветер од северен и од североисточен правец кој ќе услови пад на температурите за околу 10 степени во одност на сегашните.
Врнежите како што кажавме ќе бидат од локален карактер и со слаб до умерен интензитет интензитет, температурите на воздухот веќе во среда поради продорот од север ќе се искачуваат во интервалот од 6 до 15 степени додека наутро понекаде ќе се спуштат и под нулата, односно минималните ќе се спуштаат во интервалот од -3 до 6 степени.
Почитувани граѓани уживајте во прекрасниот сончев и топол викенд кој ни претстои и искористете го за прошетки и за скара во природа.
Подготви: Славчо Попоски
