Пејачката Марија Микиќ, призна дека е разочарана од пласманот на песната „Љубовта ме инспирира“. Како што вели, разочарана е од гласањето на стручното жири, главно членот Недa Украден, којa не и доделила ниту еден бод.
Најтешките делови ги пеев најдобро, а згрешив на почетокот на песната и бев подготвена да изгубам поради тоа, но не бев подготвена Неда Украден да не ми даде ниту еден поен. Не ја познавам Неда Украден, но ја обожавам, бев на натпревари каде што ги пеев нејзините песни, ги пеам нејзините песни и на настапи, за мене Неда Украден е навистина икона, но од сите песни јас имам 0 поени, би сакала да го знам одговорот некогаш. Откако ќе ја сретнам, ќе ја прашам, бидејќи сакам да знам зошто добив 0 – изјави Марија во една емисија.
Пејачката додаде дека е разочарана од начинот на кој гласало жирито, бидејќи очекувала подобро да биде оценета.
Бев малку изненадена, сметав на жирито, бидејќи тоа е музика и нешто многу убаво. Бев разочарана… можеби не сум компетентна да им кажувам и коментирам на овие луѓе, но се разочарав. Мојата единствена несреќа е што не успеав да освојам максимални поени, бидејќи навистина ми беше тешко да пеам. Го имав тој претешкиот фустан, воопшто не сакав да се знае дека сум бремена и дека некој ќе ме суди по тоа.
