Пејачката Неда Украден сè потешко ги поднесува коментарите дека е зрела за пензија и дека музичките натпревари и фестивали се резервирани за млади изведувачи, па таа треба да престане да се појавува на нив.
Иако пред да се појави во финалето на „Беовизија“, таа нагласи дека е „регионална sвезда и нема конкуренција“, се чини дека Неда е многу лута зошто ја разбеснија негативните коментари на социјалните мрежи.
Корисниците и напишаа дека не и е место на Евровизија и дека подобро ќе ја претстават Србија млади и надежи пејачи како групата „Ураган“ и Андрија Jo.
„Неда Украден е постара и од самиот од Евросонг. Тешко ми е да пресметам колку години има“ – напишал еден твитерџија, додека другите беа изненадени од модната комбинација на пејачката, како и периката, која таа не ја вади од глава. Дека Неда баш и не ги дели мислењата на твитер заедницата, беше јасно кога новинарите ја побараа за коментар.
Не само што не сакала да зборува за критиките што ги доби за време на „Беовизија“, туку таа налутено им кажала дека „нема време“ и им треснала слушалка.
