Невреме со силен дожд, град и грмотевици, нешто по пладне го зафати Тетово и регионот, а дождот целосно ги поплави градските улици.
Полицијата во моментов не дозволува сообраќај на излезот на градот кон Скопје, поради целосно поплавен подвозник.
Видео од невремето погледнете ОВДЕ.
Времето денеска ќе биде променливо облачно, посвежо и нестабилно со локален пороен дожд, грмежи и засилен ветер. Минималната температура ќе биде во интервал од 10 до 16, а максималната ќе достигне од 22 до 28 степени. УВ ќе биде 6.
Од УХМР информираат дека наместа процесите ќе бидат во форма на невреме со интензивен пороен дожд (за кратко време поголема количина), електрични празнења, силен ветер (над 70 км/час) и појава на град.
Во Скопје, времето ќе биде, променливо облачно. Од претпладне ќе биде и нестабилно со пороен дожд, грмежи и засилен ветер со услови за појава на краткотрајно невреме. Минималната температура ќе се спушти до 14, а максималната ќе достигне до 24 степени.
Од понеделник ќе се намали нестабилноста и повторно ќе преовладува потопло време.
