|
Годинава во кината ќе се прикажува филмот „Top Gun: Maverick“ за кој песната „Hold My Hand“ ја сними Лејди Гага.
Како што беше најавено, песната што го придружува филмот што публиката го чека во кината, беше објавена на YouTube, во пресрет на светската премиера на Top Gun: Maverick.
Лејди Гага вели дека се работи за моќна балада, а премиерата на филмот е закажана во Сан Диего.
„Кога ја напишав оваа песна, не ни сфатив колку слоеви се шират низ самото срце на филмот, мојата психа и природата на светот во кој живееме“, напиша Гага на Твитер.
