Министерот за економија Крешник Бектеши за сопствен домаќин во Охрид го избра Нефи Усеини, контроверзен бизнисмен за кого има обвинение за напад и истраги за две дивоградби.
Нефи Усеини го прошета министерот по градот, а Бектеши беше гостин и во неговата пицерија за која пред повеќе години беше отворена постапка за дивоградба на терасата на објектот.
Бектеши беше во Охрид и во Струга за да ја промовира новата мерка и законска измена со која во туристичките региони ќе се релаксира правилото за недела работен ден. Изјавата ја даде во присуство на струшкиот градоначалник Рамиз Мерко.
Фотографиите на Бектеши со Нефи Усеини ги објави самиот министер на својот службен ФБ профил.
Усеини и на последните локални избори беше избран за советник во Охрид од ДУИ, а според веб сајтот на општината, усеини е член на општинската статутарно-правна комисија и на Комисијата за заштита на животната средина.
Дел од објектите дивоградби на Нефи Усеини всушност беше псоочена од локалните еколози за негативно еколошко влијание врз животната средина и живиот свет во охридскиот регион.
