Дизелот и екстра лесното масло за домаќинство од ноќеска на полноќ поевитнуваат за 1,5 денари, цената на бензините останува непроменета, одлучи Регулаторната комисија за енергетика.
Новата цена на Дизелот ќе изнесува 61 денар за литар, на екстра лесното масло за домаќинство 50 денари за литар. Еуросупер БС 95 ќе се продава и неделава по цена од 68 денари за литар и Еуросупер БС – 98 по 70 денари за литар.
Малопродажната цена на мазутот се намалува за 2,539 денари за килограм и ќе изнесува 37,885 денари.
Референтните цени на нафтените деривати на светскиот пазар во споредба со изминатиот седумдневен период бележат намалување кај бензинот во просек за околу 0,56 отсто, кај дизелот намалување во просек за околу 4,79 отсто, кај екстра лесното масло намалување во просек за околу 4,81 отсто и кај мазутот намалување во просек за околу 7,82 отсто.
Курсот на денарот во однос на доларот во изминатиот седумдневен период изнесуваше 55,2594 денари за долар и е за 0,043 отсто повисок од курсот на доларот по кој беа формирани цените со претходната пресметка.
ЛИБИЈА НАЈАВИ ДРАСТИЧНО НАМАЛУВАЊЕ НА ПРОИЗВОДСТВОТО НА НАФТА
Либија за неколку дена ќе го намали производството на нафта на 72.000 барели дневно, доколку продолжат блокадите на нејзините нафтени постројки, соопшти Либиската национална нафтена корпорација (НОК).
Портпаорлот на НОК изјави дека дневното производство, пред силите лојални на генералот Калифа Гафтар да го затворат нафтоводот и големите нафтени пристаништа на истокот од земјата, изнесуваше 1,2 милиона барели, пренесоа британските медиуми.
НОК соопшти дека, заради затворањето на нафтоводот и пристаништата, поголемите нафтени полиња на југозападот од Либија се присилени да почнат да го запираат производството.
Британските медиуми вчера обелоденија нацрт докумен што е усвоен на самитот во Берлин, во кој двете страни во конфликтот во земјата се повикуваат да ја признаат државната нафтена компанија НОК како единствена која е овластена да ја продава либиската нафата и ги повика да се воздржат од напади врз постројките за производство на нафта.
