Со одлука на Регулаторната комисија за енергетика, од ноќеска цената на горивата „Супер 95“ и „Супер 98“ се зголемува за половина денар по литар и ќе се продаваат по цена од 48,50 и 50,50 денри.
Цената на дизел горивото останува непроменета, односно ќе се точи по цената од 45,00 денари за литар.
ОПЕК+: ЗАВРШИ НАФТЕНАТА ВОЈНА, НО ПОРАДИ СОСТОЈБАТА БЕНЗИНИТЕ ОСТАНУВААТ ЕФТИНИ
Саудиска Арабија, Русија и другите земји извознички на нафта од ОПЕК+ и групата Г-20 синоќа склучија конечен договор за кратење на вадењето сурова нафта во висина од 9.7 милиони барели дневно. Но, помалку извадената нафта, сепак, нема да го стабилизира пазарот, бидејќи побарувачката останува пониска од понудата поради светската криза.
Маратонските преговори минатата недела, четири денови непрекинато преку видео врска, беа продолжени откако Мексико побара да скрати само 100 илјади барели дневно, иако Саудијците настојуваа таа бројка да биде 400 илјади. Како помош за Мексико, обврска за тоа да скрати плус 300 илјади барели дневно презеде САД.
Нацрт-договорот од четвртокот укажуваше 10 милиони барели помалку нафта дневно, но САД, Бразил и Канада се согласија да ги надоместат и тие 350 илјади барели.
Помалку извадената нафта, сепак, нема да го стабилизира пазарот бидејќи побарувачката е се уште пониска од понудата, поради светската криза.
Болеста ги затвори економиите на многу западни земји, вклучително и на САД, со што потрошувачката на сурова нафта во моментов е 35 проценти помалку од вообичаените 100 милиони барели колку што се трошат во светот дневно. Се разбира, ова предизвика и пад на цените на нафтата.
