И натаму носи пелени, а веќе заработува сериозни суми и тоа од цртање.
Лола има две години и до сега продала 12 слики, а за една дури добила и повеќе од 1.600 долари.
Пабло Пикасо еднаш рекол дека му биле потребни четири години да слика како Рафаело, но целиот живот да слика како дете.
Ова дете можеби и ќе го надмине.
Сличен пример за неверојатна заработка:
Доколку се викате Тајлер Блевинс,на милиони познат како Нинџа , тогаш цената е милион долари. Тој е најследениот играч на видео игри на светот. Тој беше еден од неколкуте одбрани професионалци од Електроник Артс за промоција на нивната најнова видео игра Апекс Леџендс.
27- годишниот играч , понат по честата промена на бојата на косата за новата игра твитна на 5 февруари , а потоа ја изигра пред над 13 милиони следбеници на стриминг платформата Твич. За тоа му било платено милион долари.
Претставниците на Електроник Артс одбиваат да ја коментираат сумата , освен дека ангажирале и полско – канадски стример , познат под името Шрауд , кој има речиси 6 милиони следбеници на Твич , како и уште неколку популарни гејмери од целиот свет.
Цената на акциите на ЕА и пазарната вредност се во пораст за 16% или за 4 милијарди долари за само три дена по лансирањето на Апекс леџендс .
Само по еден месец играта има над 50 милиони корисници во целиот свет , како резултат на популарноста на Нинџа и другите гејмери.
