Уран во Бик не започна најдобро, но како што одминува времето работите стануваат подобри!
Според астролозите, Уран влегол на полето Бик пред три години и таму ќе остане до 7 јули 2025 година. Самиот почеток на овој период беше негативен, проблематичен и бурен, но како што одминува времето работите се подобруваат, па остатокот од престојот на Уран во Бик ќе биде далеку поповолен за припадниците на повеќето знаци.
Се очекува следната година да донесе напредок и прифаќање, како и полесно да се откажеме од се што е напорно, тешко, старо и застарено, односно ќе бидеме поподготвени за трансформација. Исто така, многумина се соочени со големи радости, а три знаци од Зодијакот ќе бидат во водство.
Девица
На припадниците на овој знак им претстојат три многу возбудливи години. Авантурите, новите можности, динамиката и големите предизвици со кои лесно ќе се справуваат се само дел од она што го носи наредниот период. Поради сето ова, многу е важно паметно да го искористите ова време, а имајте на ум дека Девиците ќе бидат во центарот на вниманието во секоја прилика. Сепак, тие ќе бидат свесни за сите свои успеси и ќе бидат горди на резултатите. На секој чекор Девиците ќе бидат придружени со позитивна енергија, а расположението ќе им биде заразно, па корист ќе имаат и оние околу нив.
Бик
Припадниците на овој знак ќе можат многу да направат, но астролозите тврдат дека ќе бидат особено задоволни во љубовта! Слободните Бикови би можеле да ја најдат својата сродна душа, а оние кои се во врска ќе уживаат во стабилност, сигурност и убави моменти. Иако во љубовта ќе биде мирно, во креветот ќе биде многу бурно и возбудливо, па Биковите можат да сметаат на забавни активности меѓу чаршафите. Биковите ги очекува период на хармонија и на деловниот план, а ова е вистинско време да ризикувате на ова поле. Планирате да започнете нов бизнис, барате промоција…? Сега е време за тоа!
Лав
Во следните три години Лавовите често ќе бидат насмеани и конечно ќе можат да здивнат кога се парите во прашање. Постепено, на припадниците на овој знак на Зодијакот им се нудат можности кои носат финансиски просперитет, а напорите кои Лавовите ги вложуваат конечно се гледаат каде треба да бидат. Немојте да се изненадите ако одеднаш добиете покачување, а исто така не двоумете се сами да го побарате тоа. Лавовите имаат и нови животни искуства, важни лекции и вистинска ерупција на креативност, поради што ќе бидат успешни во сите области од животот.
