Денес времето во државава ќе биде сончево со умерена локална облачност и претежно тивко. По котлините ќе има магла и ниска облачност, особено во претпладневните и повторно во вечерните и во ноќните часови. Максималните дневни температури на воздухот ќе се искачуват во интервалот од 8 до 14 степени.
Во Скопската котлина ќе има појава на магла и значителна ниска облачност, особено претпладнево и повторно во вечерните и во ноќните часови. Максималната дневна температура на воздухот денес ќе се искачи до околу 8 степени.
Потоа во следните денови времето ќе се задржи умерено облачно со сончеви периоди, локално ќе има и позначителна облачност а особено во понеделник ќе има услови и за слаби локални врнежи од дожд. По котлините ќе има појава на магла и ниска облачност додека максималните дневни температури на воздухот ќе се искачуваат во интервалот од 7 до 13 степени.
За нови, детални и по потреба обновени метео информации, следете го официјалниот фејсбук профил на Славчо Попоски тука.
