Општинскиот Советот донесе одлука за зголемување на цената на јавниот превоз во Битола за 50 проценти. Билетите низ градот ќе чинат 30 наместо досегашните 20 денари, а за соседните села се зголемуваат од 25 до 40 проценти. Поскапуваат и месечните билети, а двапати неделно бесплатно ќе се возат само пензинерите. За граѓаните ова е уште едне удар врз нивниот џеб.
– Тешко многу, немаме за леб, вели граѓанка.
– Многу е, сега автобусот 60 го направиле од Бистрица до Битола., вели жителка на Бистрица.
Од владеачкото мнозинство се правдаат дека превозниците кои што го спроведуваат и превозот на ученците, се заканија со протести.
-Имавме закана дека ќе имаа протести и дека ќе ги пакрираат автобусите пред општина и нема да возат. Тоа значи не дека само граѓаните што ќе останат без превоз, туку и нивните деца нема да можат да одат во училиште, вели Габриела Иливска, претседател на Советот на Општина Битола.
Не помина предлогот на советниците на СДСМ, Општината да го субвенционира поскапувањето
-Нашиот предлог е 10 денари субвенција за секој издаден билет, впрочем 10 денари е покачувањето кое го бараат превозниците, а би го намалиле и трошокот на граѓаните, рече Методија Илиевски, советник од СДСМ.
Пред два месеца советниците изгласа поскапување и на такси превозот во Битола.
Емилија Мисирлиевски
