Сончево и топло, со слаб до умерен ветер од јужен правец, максимална температура до 38 степени и УВ индекс 9. Вакво ќе биде времето денеска, под влијание на многу топла воздушна маса, се очекуваат над 40 степени и активирање на т.н. портокалова фаза.
Надлежните апелираат, поради најавените високи температури, да се почитуваат препораките за заштита, не само за неизложување на директно сончево зрачење, туку и за внимателно консумирање храна, правилно однесување при движење на отворено и во природа, како и правилен третман на домашните, фармски животни.
Времето ќе биде стабилно, суво и сончево повремено со мала локална облачност, исклучок ќе биде петок кога ќе има краткотрајно зголемување на облачноста и ќе има услови за краткотрајна нестабилност. Поради високиот УВ ИНДЕКС и МНОГУ ВИСОКИТЕ температури на граѓаните импрепорачуваме да се заштитуваат и да пијат што повеќе течности, исто така да се избегнува мрсната храна и да се конзумира што повеќе зеленчук и овошје.
