Последна мис на СР Југославија беше Ана Шаргиќ, која со својата убавина и шарм се истакна на натпреварот за најубава жена на светот пред 30 години, кога влезе во топ 15. Изборот тогаш се одржа во Обединетото Кралство, а ѝ отвори многу врати во манекенството.
На 19 години станав последната Мис на Југославија, 1992 година и ja претставував земјата на изборот за Мис на светот во Лондон. Во изборот имаше преку 110 убавици од целиот свет, а јас успеав да се пробијам во топ 20 и да се изборам за неверојатното 11 место. По успешниот пласман во светскиот избор, ми се отвори големата врата на модниот свет. Тогаш почнав сè поактивно да патувам и да се посветувам на манекенството. Секако, учев во исто време, изјавила Ана во една прилика.
Ана денеска живее во Обединетите Арапски Емирати. Од 2010 година е во брак со Реза Калантаријан, со кого има две ќерки и еден син. На нејзиниот Инстаграм профил може да се забележи дека води многу активен социјален живот, додека одвреме-навреме доаѓа во Белград на што секогаш многу се радува, пишува „Србија данас“.
Морам да признаам дека е многу тешко. Поминаа повеќе од две години откако се откажав од спиење повеќе од четири часа. Имам близнаци и се подразбира дека сум многу посветена на нив. Од друга страна, многу си ја сакам работата и единствен начин да бидам среќна и задоволна е да балансирам и да најдам средина, изјавила таа пред да го роди синот.
Ана работи во арапска компании, но деталите за новото работно место никогаш не ги објавила во јавноста. Забележливо е дека здравата исхрана и редовната физичка активност влијаеле на нејзината фигура, па таа и денес изгледа одлично.
