Собранието на Република Северна Македонија денеска треба да ја одржи 98. седница на која треба да бидат разгледани 26 предлог закони и годишни извештаи.
Пратениците треба да го ратификуваат Договорот меѓу Владата на Република Северна Македонија и Владата на Република Косово за реципрочно признавање на возачките дозволи.
На дневен ред, меѓу другото, се и предлог законите за изменување на Законот за минимална плата, на Законот за вработувањето и осигурување во случај на невработеност и на Законот за данокот на додадена вредност.
На седницата треба да бидат разгледани и повеќе годишни изваштаи на државни комисии, дирекции, Ааенции, на Судскиот совет и Народниот правобранител.
Министерстите за внатрешни работи на двете земји во јануари годинава го потпишаа договорот, а истовремено беше потпишан и меморандум за зајакнување на соработката во областа на внатрешната контрола.
Потпишувањето на овој договор го наприја министерот за внатрешни работи на Република Косово, Екрем Мустафа, и министерот за внатрешни работи на Република Северна Македонија, Оливер Спасовски.
Многу често полицијата врши и има право да прави контрола на сообраќајот и на учесниците во него. Тоа значи дека може да се вршат контроли и притоа да ги побара на увид документите на возачот, односно неговата возачка дозвола и сообраќајна дозвола.
Но, што доколку сте ги заборавиле документите дома, или едноставно до другата јакна. Тогаш полицијата ако ви ги побара а вие ги немате со себе, може да се случи да добиете казна. Се зависи од полицаецот, можете да минете и со опомена, но и со казна.
Според Член 317 од Законот за безбедност на сообраќајот на патиштата, kога управува со моторно возило, возачот е должен кај себе да има важечка возачка дозвола и возачка книшка и истите е должен да ги покаже на барање на полициски службеник.
Законот предвидува мандатен платен налог со глоба во износ од 100 евра во денарска противвредност во мандатна постапка и ќе му се издаде, односно ќе му се регистрираат 40 негативни бода согласно со одредбите од овој закон, на возачот кој постапува спротивно на одредбата од ставот 1 на овој член.
Вие можете тогаш да изберете, или да платите половина од глобата, значи 50 евра во рок од 8 дена. Или пак можете да впишете 40 негативни поени. Но, треба да внимавате, ако во рок од три години соберете вкупно 100 негативни поени, тогаш ќе морате одново да полагате. А тоа ќе ве чини и време и пари.
За да не дојде до тоа, прво морате да ги носите документите со себе. Тогаш е полесно се.
