Направете прженици во кокосово масло. Сите сакаме пржени лепчиња, но со кокосово масло целосно се менува структурата. Имаат деликатен и супер вкус.
СОСТОЈКИ: 1 француски леб (или друг по избор), 3 јајца, 450 мл. кокосово масло и 1 прстофат сол.
ПОДГОТОВКА: Се става кокосово масло во тава да се загрее, а најдобро е на време да се извади од фрижидер за самото да се стопли малку. Се сече лебот на кришки и се ставаат во смеса од јајца, па се пржат од двете страни. Се оставаат на салфета да се цедат.
Доколку за доручек пак сакате да им подготвите палачинки на вашите најмили во продолжение прочитајте го најдобар кулинарски трик со кој вашите палачинки секогаш ќе бидат меки и воздушести.
Во случај да сте љубител на палачинките, тогаш мора да го знаете овој одличен трик со кој се служат сите слаткари, а кој го прави тестото меко, вкусно и воздушесто. Порталот “Genius Recipes” пишува дека е клучно да користите свежи јајца, а освен тоа треба да го припремате тестото на малку поинаков начин.
Во рецептот со кој се фалат најдобрите слаткари, јајцата се кршат, а потоа се одвојува жолчката од белката. Жолчките се мешаат со млекото, а белките следат на самиот крај со цел палачинките да добијат воздушеста форма и мекост.
Додавањeто на белките при крајот од припремата на тестото е трик кој се користи во припрема на суфле, со цел суфлето да биде пенесто и лесно. Освен мекост, припремата на палачинки на овој начин ќе го направи тестото да биде и потенко.
Овој трик можете да го применувате во секој рецепт за палачинки во кој се користат јајца.
Само одвојте ги жолчките од белките, ставете ги сувите состојки во еден сад, а во другата жолчките и течните состојки. Помешајте ги сувите и течните состојки заедно, и на крајот додадете ги белките во целокупната смеса.
Оставете да отстои околу 5 минути и вашите палачинки се спремни за подготовка.
