|
Денеска времето ќе биде променливо облачно и посвежо со повремени врнежи од дожд, претежно во јужните делови од земјата.
Ќе дува слаб до умерен, а по должина на Повардарието повремено засилен северен ветер. Минималната температура ќе биде во интервал од 3 до 11, а максималната ќе достигне од 16 до 22 степени.
Во Скопје се очекува променливо облачно време со умерен до засилен северозападен ветер. Минималната температура ќе се спушти до 7, а максималната ќе достигне до 21 степена.
Во наредните денови температурата ќе опадне за неколку степени и следува период на променливо облачно и посвежо време наместа со повремен дожд и услови за ретки грмежи. Врнежите ќе бидат поинтензивни в сабота во текот на ноќта и в недела преку ден, соопшти УХМР.
