Времето во земјава ќе биде променливо облачно, со локални врнежи од дожд и грмежи, претежно во јужните делови. Ќе биде значително посвежо и ветровито со умерен до засилен северен ветер. УВ=7. Утринската температура ќе се движи од 12 до 20 степени, а дневната температура ќе се движи од 22 до 33 степени.
Во Скопје ќе биде променливо облачно. Ќе дува умерен до засилен северен ветер. УВ=7 Утринската температура ќе достигне до 18 степени, а дневната температура до 28 степени.
Во петок се уште ќе има услови за локален дожд. Од сабота следува период на стабилно време со постепен пораст на температурата.
ПОРОЕН ДОЖД И ГРАД СО ГОЛЕМИНА НА ЛЕШНИК ВО ПОДГОРИЦА
Силен дожд, грмежи и град со големина на лешник ја погодија Подгорица по неколкудневните рекордно високи температури.
Огромната горештина и спарно време е заменето со големо невреме, јави РТЦГ. Во невремето урнати се неколку дрвја.
Од Хидро-метеоролошкиот завод на Црна Гора за денеска најавија променливо и нестабилно време, со дожд и грмежи, особено во северните региони.
