Британската пејачка Кејт Буш ги освои музичките топ листи со песната „Running Up That Hill“, која ја објави во 1985 година благодарение на моментално популарната серија „Stranger Things“.
Песната на Кејт Буш „Running Up That Hill“ го достигна врвот на британската и светската топ листа 37 години откако беше објавена. Во исто време, Буш со ова прво место собори три рекорди бидејќи таа е најстарата жена на врвот на листата со шеесет и три години, додека 37 години е најдолго време за песна да стигне до првото место.
Покрај тоа, Кејт Буш има најдолго растојание меѓу сингловите на прво место, бидејќи поминаа 44 години од нејзиното деби со песната Wuthering Heights (тој рекорд го држеше Том Џонс на 42-годишна возраст). Инаку, Running Up That Hill кога беше објавен успеа да се пробие само на третото место.
„Тешко е да се разбере брзината со која се случува сето ова“, објави Кејт Буш на својата официјална веб-страница претходно оваа недела. – Толку многу млади луѓе кои ја сакаат серијата, за прв пат ја откриваат оваа песна.
Песната моментално е на четвртото место во САД, што воедно е и најдобриот пласман што го имала таму.
„Running Up That Hill ги промени работите како што ги знаеме“, изјави музичкиот критичар Џејмс Мастертон за „Гардијан“. – Ова е првпат во ерата на стриминг песната што се пушта во позадина на серијата не само спонтано да воскресне, туку и да ја задржи популарноста подолг период.
Овој ненадеен успех на Кејт Буш може да ги поттикне издавачите да се потрудат да најдат место за постарите песни во популарните серии и да се обидат да го повторат овој необичен рекорд.
