Кога ќе помислиме на Нова година, сигурно барем во Македонија на сите им текнува на превкусните кифлички и домашно направената Руска салата, но оваа година можете да изненадите и да направете вкусна салата која ја фрла Руската во заборав.
Се работи за Шведска салата која е превкусна и со сигурност сите дома ќе ја обожаваат.
Ви треба пред се домашен мајонез со 1 жолчка, 1,5 шолјички масло,1 лажица оцет измешана со 150 милилитри топла вода, сол и бибер. Се меша се убаво.
Потоа земете килограм излупен и сварен компир, сварени 8 јајца, 6 ситно сечени кисели краставички, 1 главица кромид ситно сечен и лажиче мускатно оревче.
Се измешајте во сад, иситнете го компирот, иситнете ги и јајцата додадете ги и сите други намирници како и домашниот мајонез и салатата е готова. Добар апетит!
