Ако мислите дека тјули е вашиот баксузен месец, грешите. На овие три знаци кои до сега веројатно се откажале од идејата дека ќе имаат среќно лето, ќе им се случи пресврт по 20 јули. Потребно ви е само уште малку трпение додека ѕвездите не се свртат на ваша страна.
Стрелец
Ве нервираат на работа, напната ви е состојбата дома, со партнерот. Па дури и слободниот викенд надвор од градот за кој што мислевте дека ќе ви ги реши сите потешкотии не ви помогна. Во трпението е вашиот спас. Дишете длабоко, колку и да се обидувате да ги поправите работите и да се трудите, тие едноставно самите по себе ќе се средат при крајот на овој месец, околу 20 јули.
Водолија
Старите астролози велат дека во категоријата на воздушните знаци, Близнаците ја смислуваат идејата, Вагата ја премерува, но Водолијата ја спроведува. Разбирливо е, навикнати сте сѐ што ќе замислите да остварите, тоа сте просто вие. Но, овој месец едноставно нешто не оди од рака. Потребно ви е само малку повеќе тактика по која инаку не сте познати. Гледајте ја широката слика, ова е време кога не сте само вие во фокусот на вниманието. Околу 21 јули, повторно ќе бидете старата вие.
Бик
Збунети сте, не знаете што ви се случува. Вашата реалистичност која ви е најсилната страна како да ве напушта, изморени сте и им се препуштате на емоциите и на соништата повеќе од обично. Без грижа, и тоа е природно. На сите ни треба одмор. Едноставно, прфатете се какви што сте сега, а околу 22 јули, светот повторно ќе биде во ваши раце.
