Хрватскиот пејач Петар Грашо (45) во февруари се ожени со 14-години помладата Хана Хуљиќ, ќерката на Тончи Хуљиќ, со која чека дете.
Пејачот не сака да зборува за приватниот живот, но сега зборуваше за Хана која неодамна го бодреше од трибините додека пееше на концерт во Загреб.
-Таму дојде да ужива во концертот, пристојно, за да не ја снимаат камерите. Таа е добро, скромно и драго суштество пред се. Навистина сме луѓе кои се трудат да го сокријат својот приватен живот, но се чини дека тоа е поттик за медиумите да бидат крајно заинтересирани за нас. Не можам да ги обвинам медиумите затоа што не напишаа лоши работи, но беше навистина интензивно“, изјави Петар Грашо, а потоа се осврна и на тоа дека во лето ќе добие ќерка.
– Секако дека се чувствувам прекрасно и неизвесно во смисла дека тоа е убаво исчекување. Мислам дека сите луѓе кои очекуваат дете треба да бидат среќни и дека тоа е природно“, заклучи Грашо.
