По написите во српските медиуми дека Боки 13 влегол во рекет меѓудругото и за да и врати долгови на Јелена Карлеуша, од која наводно позајмувал поголеми суми пари, се огласи српската фолк дива.
„Информациите што ги прочитавте во српските медиуми се апсолутна груба лага. Бојан никогаш од мене не позајмил пари. Никогаш ништо не ми должел, ниту имам сознанија дека му е должен некому во Србија. Сè што можам да кажам за Бојан е дека отсекогаш самиот си плаќал сè, никогаш никој не му го платил дури ни ручекот“, демантира Карлеуша, а нејзиниот демант го пренесе македонскиот портал „Репортер“.
Пејачката тврди дека Боки 13 е само жртвено јагне на многу посериозна група луѓе и се надева дека ќе има фер судење.
Скромно дете приврзано за бабите: Документарецот за Боки 13 што самиот си го нарача
Го правам тоа затоа што можам. Можам затоа што сакам. А, сакам затоа што вие рековте дека не можам! Со оваа изјава почнува документарниот филм за Бојан Јовановски кој на „јутјуб“ е објавен пред три години.
Под објавата стои и краток текст во кој Боки 13 се претставува како гласноговорник во борбата за човекови права, голем противник на дискриминацијата во секој поглед, храбар критикувач на политичко-општествените случувања и скромен хуманист.
Во еден дел од документарецот што „првиот човек на меѓународната асоцијација за човекова и социјална заштита“ сам си го нарача и го сними, се вртат стари семејни фотографии на кои Јовановски е прикажан како скромно и сосема нормално дете кое било исклучително приврзано за бабите. Во продолжение погледнете дел од нив.
Инаку, Боки 13 беше уапсен при обид да ја напушти државата на граничниот премин „Богородица“, а ноќта му беше одредена мерка притвор од 30 дена. Тој е осомничен дека изнудил 1,5 милиони евра од лице под истрага, тргувајќи со влијание врз јавен обвинител, а осомничен е и за перење пари, затоа што изнудените пари ги трошел како легално стекнати на облека и одмори.
