Никола Перевски -Пере од „Нокаут“ се пофали дека вчера било весело во неговиот дом. Тој откри дека имале два родендени кои ги прославиле во домашна атмосфера. Имено, неговата помала ќерка Каја наполни 12 години, а неговиот татко 68.
Двајцата имаа една заедничка торта во форма на грамофон и заеднички дуваа на свеќичките.
„Внука и дедо во ист ден. Да ми се весели, здрави, живи. На ќерка ми и татко ми среќни родендените и за многу години“, напиша Пере.
Музичарот Никола Перевски-Пере е горд на своите две ќерки. Со емотивна објава на својот Фејсбук профил пред пред некое време, тој емотивно ги опиша Михаела и Каја.
„Горд сум на овие мои две ќерки Македонки. Љубов, љубов и само љубов. Позитивни мисли и вибрации. И кој нема ќерка, никогаш нема да ја бакне најубавата девојка на светот“, напиша Пере. Неговата постара ќерка Михаела е и негов музички соработник. Таа ги пее придружните вокали на сите концерти на „Нокаут“. На славеничкиот концерт на бендот минатата година во СРЦ „Кале“, со кој „Нокаут“ прослави 20 години од првиот концерт на истото место, Пере ѝ го честиташе роденденот на ќерка си.
„ Беше бебе кога го правевме првиот концерт, а денес полни 20 години. Среќен роденден бејби“, рече Пере од сцената за ќерката.
„ Миа и Каја се мојата радост и гордост. Мојата вечна инспирација. Михаела има 20 години и цврсто граби напред. Студира на ЕСРА (музичка продукција) има свој бенд (Chemical X), кој звучи фантастично и сѐ повеќе се вљубува во музиката. Се почесто соработуваме заедно, што значи добар удел во идеите за музиката на НОКАУТ има и таа, а повеќе пати настапувала како придружен вокал. Тоа кај себе си го сметам и го разбирам и како процес во воспитувањето на своите деца. Не дека е моја, ама и предвидувам убава кариера. Каја има 11 години, што значи дека влегува во една магична фаза, кога светот почнува да го перципира поинаку. Не е ниту дете, ниту тинејџер, нешто помеѓу, музички талентирана повеќе од мене и од сестра ѝ. Се обидувам да и помогнам полесно да се снајде во овој конфузен свет и не е лесно, но верувам дека ќе го изодиме и тој пат заедно. Веќе имам искуство со Миа. Горд сум на нив од сите можни аспекти“, изјави Пере во едно интервју.
