Автобус на „Хафет турс“ кој се сообраќал на релација Скопје – Сплит, утрово во 3 часот се запалил во возење во близина на црногорското летувалиште Петровац. За среќа во инцидентот нема повредени, сите патници за кратко време го напуштиле автобусот, кој е речиси уништен од пожарот, објави „Охридњуз“.
Според сведочње на дел од патниците, немало паника во автобусот, сите излегле од автобусот, а двајца патници го извадиле и багажот од автобусот.
На местото на настанот брзо пристигнала локална противпожарна екипа која го изгаснала пожарот.
Иако беше непријатно, немаше паника. Многу луѓе спиеја, но по алармот за пожарот веднаш еден по еден низ вратата на возачот, бидејќи другите врати беа блокирани, го напуштивме возилото и се оддалечивме на безбедно растојание. Во меѓувреме двајца од патниците веднаш се спуштивме во багажникот и спасени беа сите торби освен можеби една.- вели патник од автобусот.
Патници го продолжиле патот со друго возило на компанијата.
