Како што неофицијално дознава „Новости“, при претрес на училиштето во Врачар „Владислав Рибникар“, каде утрово ученикот Коста Кецмановиќ(14) уби девет лица, пронајден е ранец во кој имало три молотови коктели.
Седмооделенецот ранецот го оставил во кабинетот по историја каде ја застрелал наставничката, наводно бидејќи добил единица, а потоа продолжил да пука по учениците. Неофицијално, пукал од два пиштоли, од кои едниот ЦЗ 99 сопственост на неговиот татко.
Коста по масакрот се криел во училишниот двор, каде бил пронајден и уапсен.
РТС јави, без да наведе извор дека починала и наставничката која била примена во таа установа со уште тројца повредени ученици, а таа тогаш ќе биде десеттата жртва на овој масакр.
Драган Влаховиќ прв загинал кога малолетниот убиец влегол во училиштето и почнал да пука.
Како што дознава Информер, Влаховиќ долги години работел како чувар во училиштето „Владислав Рибникар“ и учениците го сакале. Имал одличен однос со децата кои го слушале и можел да воведе ред меѓу нив.
Коста прво налетал на него кога со два пиштола влегол во училишната зграда и го убил на лице место пукајќи му во глава.
https://twitter.com/N1infoBG/status/1653682767442395136?ref_src=twsrc%5Etfw%7Ctwcamp%5Etweetembed%7Ctwterm%5E1653682767442395136%7Ctwgr%5E8d85c4c94c1c57bbaf95b841581d1800b03a80e2%7Ctwcon%5Es1_&ref_url=https%3A%2F%2F24info.mk%2F2023%2F05%2F03%2Fd181d0b5d0b4d0bcd0bed0bed0b4d0b5d0bbd0b5d0bdd0b5d186d0bed182-d0bcd0b0d181d0b0d0bad180d0bed182-d0b3d0be-d0b8d0b7d0b2d180d188d0b8d0bb%2F
