Пејачката Северина Вучковиќ со емотивна порака му го честиташе десеттиот роденден на синот Александар.
Северина Александар го доби со поранешниот партнер Милан Поповиќ, а после тоа осум години се бореше за старателство.
Mинатата година беше одлучено детето да биде заедничко, а пејачката вчера преку Инстаграм му го честиташе роденденот и испрати силни зборови и силна порака.
– Поминаа десет години откако првпат ги видов најубавите очи на светот. И сè ми беше лесно во овие десет години, само ако погледнав во тие очи – напиша и додаде:
Ти благодарам синко што ми даде неопислива сила и храброст. Ти благодарам што ми даде бестрашна љубов кон тебе. Мојот благослов и срцето на моето срце – напиша пејачката.
Потсетуваме, Северина неодамна зборуваше за својот син, кога за прв пат откри како изгледал нејзиниот татко.
Таа на социјалните мрежи ја објави фотографијата на нејзиниот татко, а она што многумина го забележаа е дека Александар личи на својот дедо.
