Скопскиот градоначалник Петре Шилегов попладнево ги бркаше таксистите кои непрописно паркирани чекаа патници на улицата Љубљанска пред Сити мол. Град Скопје, при реконструкцијата на улицата, ја помести такси станицата подолу на улицата за да не се создава хаос пред влезот на паркингот. Но, таксистите и понатаму се паркираат на почетокот на улицата, а полиција нема да ги казни.
Шилегов, враќајќи се од работа, излезе од својот автомобил и на таксистите, но и други возачи кои непрописно застануваа и се паркираа, им објаснуваше дека не смеат тука да се паркираат и дека тој дел е соодветно обележан и сето тоа одеше во живо на неговиот Фејсбук профил.
„Малку ред нека има“, го наслови Шилегов видеото.
Таксистите и другите возачи се тргнаа, но откако градоначалникот Шилегов замина повторно улицата беше блокирана со возила.
Жителите на Карпош постојано бараат да се реши овој проблем и полицијата да ги казнува таксистите кои си тераат по свое.
Малку ред нека има#Скопје#ЧекоПоЧекор
Gepostet von Петре Шилегов am Donnerstag, 27. Juni 2019
