|
– Денес и утре, особено во попладневните и вечерните часови, на повеќе места ќе биде нестабилно со пороен дожд, грмежи и засилен ветер.
Локално ќе има појава на НЕВРЕМЕ проследено со интензивен пороен дожд, силен ветер, силни електрични празнења и со услови за појава на град.
Потоа, од четврток па натаму ќе има услови само за изолирана појава на попладневна нестабилност.
Температурите ќе бидат без поголеми промени и максималните дневни температури како денес, така и во следните денови ќе се искачуваат во интервалот од 24 до 33 степени.
Во случај на појава на НЕВРЕМЕ граѓаните да бидат КРАЈНО ПРЕТПАЗЛИВИ и тоа особено денес и утре, вели метеопрогнозерот Славчо Попоски.
