Под влијание на стабилна, сува и ЗНАЧИТЕЛНО ПОТОПЛА воздушна маса од југ, денес и утре времето во Македонија ќе биде сончево и ЗНАЧИТЕЛНО ПОТОПЛО со мала до умерена локална облачност. Ќе дува слаб до умерен, повремено на некои места засилен ветер од југозападен правец. Температурите ќе бидат РАНО ЛЕТНИ и ќе се искачуваат во интервалот од 18 до 26 степени – вели нашиот метео прогнозер Славчо Пооски.
Во Скопје и околината исто така времето ќе биде сончево и ЗНАЧИТЕЛНО ПОТОПЛО со мала до умерена облачност. Ќе дува слаб до умерен ветер од променлив правец, додека максималната температура денес ќе се искачи до околу 22 степени.
Според Попоски, потоа под влијание на влажна и ПОСТУДЕНА воздушна маса од север во недела ќе има нови врнежи од дожд и снег на планините. Локално ќе има услови за нестабилност проследена со пороен дожд и грмежи. Сето ова ќе биде проследено и со засилен ветер од северозападен правец а температурите позначително ќе опаднат и максималните дневни ќе се искачуваат во интервалот од 10 до 19 степени.
Нова стабилизација на времето и многу повеќе сонце ќе има уште од самиот почеток од следната недела.
