Денес времето во Македонија ќе биде променливо облачно со слаб до умерен ветер од северен и од североисточен правец.
Ветерот особено Долж Повардарието повремено ќе засилува на интензитет. Во попладневните и во вечерните часови особено во јужните предели ќе има појава на повремен локален дожд и ретки грмежи.
Температурите ќе се искачуваат во интервалот од 19 до 25 степени – вели метео прогнозерот Славчо Попоски.
Во Скопје и околината времето ќе биде променливо облачно со слаб до умерен ветер од северен правец. Ветерот повремено ќе засилува на интензитет. Максималната температура ќе се искачи до околу 21 степен.
Според Попоски, за време на продолжениот празничен викенд времето ќе биде променливо облачно со повремени локални врнежи од дожд, и истите локално и повремено ќе бидат ПОИНТЕНЗИВНИ. На некои места ќе има услови и за развој на нестабилност, проследена со пороен дожд, грмежи и засилување на ветерот.
Што се однесува до температурите, тие ќе опаднат уште за неколку степени и ќе се искачуваат во интервалот од 16 до 22 степени.
