Очекувањата на УХМР полека се остваруваат.
Како и на повеќе делови од Балканот, така и денеска снег заврна и во Македонија.
Според оваа фотографија, снег во мај паднало во Галичник.
Инаку УХМР за денеска соопшти дека поради спуштање на студена воздушна маса ќе дува засилен северозападен ветер што ќе предизвика позначително опаѓање на температурите.
В среда утрото ќе биде студено, но преку денот ќе преовладува посончево и потопло време.
Во некои балкански земји времето личи на вистинска зима, иако е пролет. Снег има во Босна и Херцеговина.
Во повеќето градови температурите се под просекот за мај, а за време на викендот и денеска, на некои места наврна и снег.
Снегот ги покри зелените гранки на овошките и ги загрижи земјоделците. Температурата е до пет степени.
Снег има во Босанска Краина – Приједор, Босански Петров и Цазин, и во Чемерно.
