Иако се во брак веќе една година и заедно го имаат синчето Јон, Аделина ретко на социјалните мрежи споделува фотографии со својот опруг Серјожа, но исклучок направи сега и на своите фанови им испрати романтичен поздрав од Виена.
Аделина Тажири веројатно и новата година ќе ја дочека во прекрасната Виена, па по тој повод на социјалните мрежи постави фотографија на која се гледа како со сопругот разменува нежности додека во позадината вее снег.
Атрактивната пејачка пред неколку месеци конечно проговори за бракот со познатиот адвокат Серјожа Марков кој сензационално одекна во јавноста, особено поради тоа што станува збор за партнери од различна националност.
– Љубовта меѓу нас се роди без да знам дека сум вљубена. Јоже ми беше многу добар пријател. Година и пол ме молеше да одиме на кафе. Не дека јас се занесував, но само што излегов од врска и немав потреба да се запознавам со никој – раскажа Аделина во едно интервју.
Ова е втор брак за нејзиниот избраник, во јавноста познат како поранешен адвокат на Сашо Мијалков и брат на сопругата на Иво Котевски. Пред пет години Марков беше избран за Почесен конзул на Република Молдавија во Република Македонија.
