Нивната мајка тврди дека ќе престане да ги носи на снимање оној момент кога тие ќе посакаат да живеат обичен живот… „Старата поговорка вели „Нема грдо дете и млада баба“. На секоја мајка нејзиното дете и е најубаво. И’, додека на поедини мајки им е доволно слика од своето дете да споделат на социјалните мрежи, на некои жени од пресудна важност им е на целиот свет да му покажат дека нивните деца се најубави и од тоа да направат бизнис. Слична судбина имаат и Ли и Ема Клеменс, близначки, во светот познати како „најубави сестри“.
Изложувањето на децата на моделинг во рана возраст може да биде ризично. Додека некои велат дека децата во моделингот немаат детство, други велат дека таквото детство може само да се посакува. Има многу предности и недостатоци, но реалноста е дека, главно, нивните родители ги исполнуваат своите соништа, заработуваат на изгледот на своите деца. Кариерата на најубавите сестри во светот, Ева и Ли Клеменс од самиот почеток била идеја на нивната мајка, Жаклин. Таа вели дека првиот договор со Агенцијата за моделирање го договорила кога девојчињата немале ниту една година. Сепак, грижата за три мали деца (близначките имаат постар брат) и постојаното патување биле многу мачни, па таа се откажала од „туркање” на своите деца во светот на моделингот.
Новиот обид Жаклин го направила кога девојчињата имале 7. години. “Ова е мојот омилен број, а девојчињата се родени на 7. јули. Девојчињата веќе се бавеа со танцување и пливање, па ги запознавме со моделирањето и беа воодушевени”, раскажува нивната мајка. Од тој момент сè почнало да се одвива со молскавична брзина. Животот на Клементсови значително се променил. Жаклин прво се јавила во агенцијата со која соработувала кога децата биле мали, и биле среќни да ги прифатат девојчињата. Потоа организирале професионален фотограф и направиле портфолио за девојчињата. Таа исто така го лансирала профилот на Инстаграм, и бидејќи девојките се навистина убави и убаво позираат, наскоро секоја втора фотографија била реклама.
До крајот на ноември 2018. година, нивниот налог на Инстаграм веќе имал над 830.000 следбеници. Наскоро, родителите, исто така, започнале со нови платформи за промовирање на нивните деца. Жаклин покренала блог во кој зборува за тоа како е да се биде менаџер на своите деца, а на Јутјуб каналот, Ева и Леа се прикажани како херои. “Ми требаа околу 7. или 8. месеци за да разберам зошто луѓето ја нарекуваат оваа работа луда.Покрај добри работи како запознавањето нови луѓе, да се забавувате со девојчињата и да имате релаксирачки моменти, има и многу лоши работи”, Жаклин се жали за тоа како девојчињата треба да се возат во Лос Ангелес за снимање, и овој пат трае 6. часа и често е многу тешко.
Се зголемиле и трошоците за гориво, подршката на интернет, одржувањето на веб страницата и т.н. Најлоша работа биле измамите во светот на моделингот. Жаклин наведува и дека некои точки од договорите со модните агенции треба добро да се проучат пред потпишувањето.
Покрај сето тоа, девојчињата секој ден добиваат бројни негативни коментари на социјалните мрежи. Жаклин наведува дека тие коментари може да ги подели во три групи: 1. Изгледаат многу тажно 2. Нивниот изглед е фотомонтажа 3. Изгледаат како да немаат детство… Жаклин е сигурна во едно: во иднина девојчињата сами ќе одлучат дали сакаат да продолжат да се бават со моделинг и дека нивното ангажирање ќе биде само нивна одлука. Во меѓувреме и нивниот постар брат „потпишал“ договор со истата агенција и наскоро и самиот ќе вплови во водите на моделингот.
Извор: Екран.мк
