Штрајкот на СОНК продолжува. Триесетчлениот Совет на Синдикатот кој заседаваше денеска не ги прифати испратените заклучоци од Владата.
Со нив се врши силен притисок за прекин на штрајкот, рече претседателот на СОНК.
Според него, предлогот за 10% зголемување на платите со ребалансот на буџетот за вработените во основните, средните училишта и во градинките, е тврд став на Владата кој Синдикатот претходно го одби.
ПОНУДЕНИТЕ 10% ЗГОЛЕМУВАЊЕ НА ПЛАТИТЕ ВО ДЕТСКИТЕ ГРАДИНКИ И ОСНОВНОТО И СРЕДНОТО ОБРАЗОВАНИЕ ПО РЕБАЛАНС НА БУЏЕТОТ , СЕ БЕТОНИРААТ СО ЗАКЛУЧОК НА ВЛАДАТА И НЕ СЕ ОСТАВА ДОПОЛНИТЕЛЕН ПРОСТОР ЗА ПРЕГОВОРИ ПО ОВА ПРАШАЊЕ, РЕЧЕ НЕДЕЛКОВ.
Доколку СОНК продолжи да штрајкува, согласно заклучокот на Владата, ќе се превземат сите мерки за продолжување на наставата во училиштата по Велигденските празници , рече министерот за образование.
ДЕЛ ОД НАСТАВНИЦИТЕ КОИ БЕА ВКЛУЧЕНИ ВО ШТРАЈКОТ, ДОБРОВОЛНО СЕ ВРАТЕНИ , НЕКОИ ЗНАМ. МОЖЕБИ НЕ СЕ СИТЕ ЗАДОВОЛНИ ОД ТОА ШТО Е ПОНУДЕНО ОД ВЛАДАТА, НО ЗАРАДИ ИНТЕРЕСОТ НА ДЕЦАТА СЕ ВРАТЕНИ ВО ОБРАЗОВНИОТ ПРОЦЕС. ЌЕ СЕ СОБИРААТ ПОДАТОЦИ ВО ТЕКОТ НА УТРЕШНИОТ ДЕН ЗА РЕАЛНАТА СИТУАЦИЈА. ПОСЛЕ ВТОРНИК ЌЕ ВИДИМЕ, РЕЧЕ МИНИСТЕРОТ ШАЌИРИ.
Притисоци се најавите за неисплаќање нето плати за штрајкувачите.
Освен законско право за исплата на плати при штрајк, постојат и членови од колективните договори со кои се допрецизира исплаќањето на дневниците, рече Неделков.
РАБОТОДАВАЧОТ Е ДОЛЖЕН ДА ИСПЛАТИ НАДОМЕСТОК НА ПЛАТА ЗА РАБОТНИЦИТЕ ЗА ВРЕМЕ НА ШТРАЈК ВО ВИСИНА ОД ОСНОВНАТА ПЛАТА НА РАБОТНИКОТ, ДОКОЛКУ СИНДИКАТОТ ОРГАНИЗИРА ШТРАЈК ЗАРАДИ КРШЕЊЕ НА ПРАВАТА НА РАБОТНИЦИТЕ УТВРДЕНИ СО ЗАКОН, КОЛЕКТИВЕН ДОГОВОР ИЛИ АКТ НА РАБОТОДАВАЧОТ, ВЕЛИ НЕДЕЛКОВ.
А, министерката за труд и социјална политика со поинаков став.
ВО УСЛОВИ НА ШТРАЈК РАБОТОДАВАЧОТ Е ДОЛЖЕН ДА ИСПЛАТИ ПРИДОНЕСИ НА СИТЕ РАБОТНИЦИ КОИ ШТРАЈКУВААТ НА НАЈНИСКА ОСНОВИЦА ЗА ИСПЛАТА НА ПРИДОНЕСИТЕ. СЛЕДНИОТ ЧЛЕН 241 ДАВА МОЖНОСТ СОНК ДА ОБЕЗБЕДИ ИСПЛАТА НА НЕТО ПЛАТА ЗА СИТЕ РАБОТНИЦИ КОИ ШТРАЈКУВААТ. ЗАТОА СМЕТАМ ДЕКА СЕ РАБОТИ САМО ЗА ПОЧИТУВАЊЕ НА ЗАКОН, ЗА ПОЧИТУВАЊЕ НА КОЛЕКТИВЕН ДОГОВОР, А НЕ ЗА БИЛО КАКВИ ПРИТИСОЦИ, ВЕЛИ МИНИСТЕРКАТА ТРЕНЧЕВСКА.
Од СОНК покажаа документи дека штрајкот го пријавиле до надлежните и отфрлија одговорност за прекинот на воспитно – образовниот процес.
Не веруваат ни во формирањето Работна група за преговори за нов Колективен договор и сметаат дека тој ќе биде општ, а не за детска заштита и за основните и средни училишта.
Ќе го прекинат штрајкот ако Владата го испочитува Законот за минимална плата кој дава 6 месеци од донесувањето, што значи до септември минималецот да се услогласи со колективните договори на гранските синдикати.
Сотир Трајков
