Веќе втора година по ред Кајли Џенер се наоѓа на врвот на листата најбогати јавни личности кои заработуваат од Инстаграм.
Најмладата сестра од кланот Кардашијан, чие богатство се преценува над милијарда долари, официјално има најбогат профил на споменатата социјална мрежа во истражувањето „HopperHK.com“ кое ги анализира факторите кои ја вклучуваат публиката, бројот на следбеници и постови, по што се одредуваат најголемите приходи на платформата.
Се проценува дека Кајли наплаќа неверојатни 1.2 милиони фунти за секоја Инстаграм објава, што е зголемување од 27 проценти во однос на 2018 година. Младата блогерка има над 141 милион следбеници на Инстаграм, а најчесто рекламира, покрај својата козметичка линија и облека, но и други производи за убавина и нега. Иако има поголем број на следбеници, дури 160 милиони, пејачката Аријана Гранде е на второ место од оваа листа. Се проценува дека Аријана заработува по 800.000 од објава.
Следна на листата познати личности кои најмногу заработуваат од Инстаграм е Ким Кардашијан за која се верува дека од секоја објава заработува неверојатни 730.000 фунти.
