Направете вкусни бомбици со кафе и бело чоколадо.
СОСТОЈКИ:
1 мала шолја сварено црно кафе; 250 гр. мелени бисквити; 250 гр. кокос; 250 гр. шеќер; 200 гр. бело чоколадо; 100 гр. црно чоколадо и 5 лажици масло
ПОДГОТОВКА: Се ставаат во сад мелените бисквити со кокос и шеќер и се додава мала шолја сварено кафе. Се меси тесто, се прават топчиња и се оставаат да се стврднат, па се ставаат во бело чоколадо кое ќе го растопите со масло, а горе се шараат со темно чоколадо или обратно. Се ладат и служат.
Во продолжение евтин десерт за празниците: Брзи обланди со многу ореви
Направете вкусни колачиња со обланди.
СОСТОЈКИ:
300 гр. шеќер, 250 гр. маргарин; 2 полни лажици мед; 200 гр. мелени бисквити; 200 гр. мелени ореви и 1 лист обланда
ПОДГОТОВКА: Се става на оган шеќерот да се карамелизира и се внимава да не загори. Се додава сечениот маргарин и мед, па се меша се да се стопи. Се трга и се мешаат мелените ореви и бисквити. Се сече обландата на два еднакви дела, се става смесата на едниот дел и се поклопувa со другиот. Се лади и потоа се сечат штангли.
