Топло време со повремено засилен северен ветер ќе се задржи во наредните три дена. Во сабота, во попладневните часови ќе биде нестабилно со пороен дожд и грмежи, а од недела ќе биде малку посвежо.
Најтопло ќе биде во петок кога се очекуваат масимални 39 степени.
Денеска, пак, во попладневните часови ќе има услови за изолирана појава на краткотраен пороен дожд проследен со ретки грмежи. Ќе дува слаб до умерен северен ветер кој долж Повардарието ќе засилува. Максималната температура ќе биде во интервал од 29 до 38 степени.
Попладне и кон крајот на денот во Скопје ќе има услови за краткотраен пороен дожд и ретки грмежи.
Славчо Попоски: Македонија ќе навлезе во ЖОЛТА ПРЕДУПРЕДУВАЧКА фаза, ВНИМАНИЕ поради топлотниот бран
Територијата на нашата држава поради изразениот Африкански бран кој полека не зафаќа во текот на следниот период ќе навлезе во ЖОЛТА ПРЕДУПРЕДУВАЧКА ФАЗА, температурите ќе се искачат и до 40 степени.
На граѓаните ги советуваме во најтоплиот дел од денот доколку излегуваат со себе ЗАДОЛЖИТЕЛНО да понесат заштитна опрема (капа и наочари за сонце). Старите и возразни лица, а особено оние кој се со значителни здравствени периоди во никој случај да не излегуваат на директното силно ултравиолетово зрачење во периодот од 10 до 17 часот. Инаку понатаму УВ ИНДЕКСОТ ќе биде МНОГУ ВИСОК и ќе изнесува 9.
Времето ќе биде сончево со мала облачност но ќе има услови за изолирана и краткотрајна нестабилна облачност проследена со краткотраен пороен дожд и грмежи. Ќе дува слаб до умерен ветер од северен и од северозападен правец кој повремено и тоа особено Долж Повардарието ќе биде засилен по интензитет. Краткотрајно освежување на времето како што веќе кажавме ќе има за време на викендот за потоа повторно да се интензивира Африканскиот топлотен бран.
Исто така за време на освежувањето ќе има услови и за локална нестабилност проследена со дожд и грмежи и тоа за време на викендот и тоа особено во сабота кога ќе има услови и за локална појава на град и тоа особено на север и на исток од државава. Потоа во текот на следната недела температурите на воздухот повторно ќе се искачат до близу 40 степени.
