Убиецот од Кочани во полицијата се однесувал како ништо да не се случило. Во кумановскиот затвор се’ уште не побарал ниту вода, ниту леб, објави Телевизија Стар.
Убиецот од Кочани во полицијата и пред истражниот судија се однесувал крајно смирено, додава телевизијата.
“Не разговарал со никого ниту пак одговарал на прашањата од истражните органи. Во полициската станица во Кочани и кај истражниот судија тој бил до доцна синоќа, но од него тие не слушнале ништо ново”, пишува медиумот.
Имено, истражните органи поседуваат несоборливи докази дека тој е суровиот убиец, а истрагата веќе обезбедила и сведоци. Доцна во ноќта, Усеин Рашидов е пренесен во кумановскиот истражен затвор и е во притворскиот дел. До утринава тој не побарал ниту вода, ниту леб, а извори за ТВ Стар велат дека таму исто така не прозборел ниту збор.
Усеин Рашидов завчера изутрина со 40 жестоки убоди од нож ја усмрти Танкица Младеновска на возраст од 46 години. Нејзиниот погреб е денеска во 13 часот во Кочани.
