Управата за јавни приходи продава движни и недвижни предмети запленети по основ на ненаплатени даночни долгови на јавна аукција. На аукцијата може да учествуваат лица кои успешно се регистрирале и претходно уплатиле депозит во висина од 10% од утврдената вредност на движните/недвижните ствари, најдоцна до 21.06.2019 година (петок).
На распродажбата се нудат автомобили како Ауди за 53 200 денари и комбе Мерцедес за 76 000. На аукцијата ќе се наддава и за земјоделски земјишта, телевизори, штампачи, ТВ предаватели, па дури и машина ЦНЦ за обработка на дрво, пластика и лесни метали.
Стварите се продаваат по систем видено-купено, а дополнителни рекламации нема да се примаат.
Целата листа на предмети можете да ја погледнете на официјалната веб страница на УЈП ТУКА.
Познати бизнисмени и јавни и државни претпријатија на новата Листа на должници на УЈП
Управата за јавни приходи објави Листа на должници бр.06/2019 за долгови доспеани до 28.02.2018 и неплатени до 31.05.2019 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е:
– повисок од 120.000 денари за физичките лица и самостојни вршители на дејност; и
– повисок од 300.000 денари за правните лица.
Листата на должници се објавува на веб страницата на Управата за јавни приходи согласно член 9 од Законот за даночна постапка.
Според Листата на должници која ја објави УЈП на неа може да се најдат истите јавни, приватни компании, државни претпријатија и приватни лица од претходната листа.
На листата се уште е 11 Октомври-Еурокомпозит, комуналното претпријатие од Тетово, винарската визба Повардарие, фирмата Трансмет, скопската Општина Карпош, Македонската радио телевизија, јавното претпријатие Билјанини извори, бизнисменот Сејдију Бајруш и многу други.
