|
Intermezzo Music Bar организира уште еден настан во низата успешни концерти. Овој пат тоа е настапот на мегапопуларното Влатко Стефановски Трио.
Нашиот најдобар автор и гитарист ќе биде придружуван од својот син Јан Стефановски на тапани и извонредниот Иван Кукиќ на бас гитара во среда, 17.11.2021. Влатко е препознатлив по својот посебен стил на комбинирање на традиционалните и рок звуците и е еден од најголемите виртуози на овие простори. Концертот ќе биде микс од етно, рок, поп и џез звуци, како и голем дел од неговото богато авторско творештво.
Бидејќи влезниците се веќе пуштени во продажба, а местата се ограничени, побрзајте и резервирајте го вашето место. Настанот ќе биде спроведен со примена на сите здравствени протоколи за заштита.
