Постои голем број на лекови кои ја зголемуваат чувствителноста на кожата на UV зрачење на сонце (како и солариумот), така да ако планирате во наредните денови да поминете повеќе време на отворено, а во моментов сте на терапија со лекови важно е да се проверите со лекар или фармацевт на време дали лековите што ги пиете припаѓаат во оваа група.
Во лекови кои можат да предизвикаат фотосензитивна реакција спаѓаат антибиотици (како што се доксициклин и други тетрациклини, ципрофлоксацин), лекови против акни како што се ретиноиди, анксиолитици (алпразолам, хлордиазепоксид), одредени цитостатици, диуретици и антихипертензиви, нестероидни антиинфламаторни лекови (диклофенак, ибупрофен, напроксен), антидепресиви (кломипрамин, амитриптилин, матротилин, флуоксетин), како и препарати со кантарион.
Ако во моментов користите некои од фотосензитивните лекови, треба да избегнувате долго изложување на сончеви зраци како и да користите лосиони и средства за заштита од сонце кои обезбедуваат висок фактор на заштита од UVA и UVB зраците.
Инаку, температурите денеска се движат од 3 до 10 (минимални), додека максималните се движат од 12 до 24 степени.
Времето утре ќе биде сончево со умерена облачност и потопло со слаб до умерен југозападен ветер.
Во сабота времето ќе биде шроменливо облачно, попладне со повремен дожд. Ќе дува умерен јужен ветер.
Додека пак во недела времето ќе биде променливо облачно со повремен локален дожд и со слаб до умерен јужен ветер. На места врнежите ќе бидат поројни, проследени со грмежи и засилување на ветерот.
