Превезот на мистеријата околу најскапата серија во историјата полека почна да паѓа – новата филмска адаптација на делото на Џон Р.Р. Толкин ќе се вика „Господарот на прстените: Прстените на моќта“ и ќе се занимава со настаните од втората доба на средната земја.
„Прстените на моќта ги поврзуваат сите големи приказни од средната земја – ковањето на прстените, подемот на темниот господар Саурон, епската приказна за кралството Нуменор и последниот сојуз на џуџињата и луѓето“, велат Џеј Ди Пејн и Патрик Мекеј.
Објавен е краток тизер во кој нараторот зборува за создавањето на прстени на моќ – три прстени за виленичките господари, 7 за џуџињата и 9 за владетели на човечкиот род – и, се разбира, единствениот прстен што има моќ да контролира сите, кои Саурон го создал во тајност.
„Досега гледачите ја гледаа само приказната за Еден прстен на екраните, но претходно имало 20. Возбудени сме што ќе ја споделиме оваа епска приказна со сите“, велат авторите.
Првата сезона се снимаше во Нов Зеланд, додека продукцијата на втората ќе продолжи во Велика Британија.
За снимањето на пет сезони се издвоени неверојатни милијарда долари.
Дополнителните детали за дејството се уште се чуваат во тајност, но и од малите информации од тизерот може да се заклучи дека серијата ќе биде сместена во второто време на Средната Земја.
