|
Утре времето ќе биде претежно сончево и потопло, со слаб до умерен, а вдолж Повардарието повремено засилен северен ветер. Минималната температура ќе биде во интервал од 7 до 19, а максималната од 26 до 34 степени.
Времето во Скопје ќе биде сончево и потопло со слаб до умерен ветер од северен правец. Минималната температура ќе се спушти до 13, а максималната ќе достигне до 32 степена.
Во следните два дена ќе има извесно зголемување на облачноста со натамошен пораст на температурата на воздухот. Во недела ќе има локална појава на нестабилност со краткотраен пороен дожд, грмежи и засилен ветер.
