Претседателот на Србија, Александар Вучиќ рече дека уапсениот убиец од Младеновац носел маица со нацистички симболи. Тој во обраќањето до јавноста по вториот масакр во рок од два дена откри што рекол убиецот по апсењето.
Вучиќ рече дека убиецот од Младеновац повторувал еден збор – „омаловажување“. Тоа го кажа сто пати, на прашањето за мотивите на злосторството.
Тој кажа и дека уапсениот убиец од Младеновац носел маица со нацистички симболи.
– Во Србија најде да го славиш Хитлер, кој уби толку луѓе овде? Ѓубре едно. Тука баш најде да му се восхитуваш. А на полицајците и викал: „Почит, почит“, кога го уапсија – додаде претседателот. Вучиќ кажа и дека побарал враќање на смртната казна во Србија, но бил одбиен од Владата. Тој порача дека убиецот нема никогаш да излезе од затвор.
„Ние испративме не знам колку единици да го пронајдат убиецот и да го уапсат веднаш. Апелирам сите да се држат до официјалните информации. Не сме убијци, само се бориме против убијците. Сопрете се луѓе. Некогаш е подобро ништо да не објавите, отколку да се објавуваат непроверени информации. 500 непроверени вести беа ноќеска, а овие монструми никогаш нема да излезат од затвор. Правда ќе има. Ниту оној малечок монструм ниту овој голем монструм, по години се разбира, нема да се спасат од правдата. Па, ми велат дека се мешам во правосудството. И онака сум диктатор и стока. Подобро тоа отколку да се убиваат деца“, рече Вучиќ.
